«Карысы бардын ырысы бар»

Райымбекова Канымкүль 29.09.2019 жылы өз айылында карылар күнүнө карата чыгармачылык кечесин өткөрдү.

Солтонбекова Ализа — эмгек жанан социалдык өнүгүү министирдин орун басары

«Бүгүн биз Республикалык «Карылар күнү» деген майрамдын астында, Жал айылында » Карысы бардын —  ырысы бар» аттуу иш чарасынын өтүшүнө катыштык. Ата,  апаларыбызга каалоо- тилектерибизди айтык. Бул майрамдын мааниси аябай чоң. Көбүнчө мындай майрамга жаш жеткинчектер, жаштарыбыз көп катышышы керек. Себиби алар дагы карылардын жакшы кебин угуп, алардын тарбиясын алып, эстеринде калат. Ата, апаларыбыз  неберелерин ээрчитип келишиптир . Кийин муундан- муунга үй- бүлөлүк баалуулуктар уланып берилет. Бүгүнкү концертте тарбиялык иш чара да болду. Дагы бир жолу Жал айылынын карыларын келе жаткан майрамы менен куттуктайм»- деди ал

Амантай Кутманалиев- төкмө акын

«Бүгүн биз Жал айылына, карылар күнүнө келип, карыларга арнап концерт берип жатабыз. Концерт мектепте өтүүдө. Кыргыз эл артисти, атактуу куудул Келдибек Ниязов баш болуп, мен КР эмгек сиңирген артисти , улуттук Токтогул Сатылганов атындагы филармониянын төкмө акыны, КР эмгек сиңирген артисти Анапия Райымбекова биздин оркестерде иштеген комузчу, ооз комузчу өзүнөрдүн кызыңар Канымкүль эже болуп майрамдык маанай тартуулап жатабыз. Элиңиздерде маданий тейлөө жашы болсун. Белгилүү маарекелерди уюштура бериңиздер. Канымкүль эже мектебиңерде балдардын талантын, шыгын өркүндөтсүн. Маданият жагын колго алган — бул жакшы көрүнүш. Айылыңыздарда дайыма жакшылык болсун. Биз сиздердин жакшылыктарыңарга ортоктош болуп турабыз.»- деди

Мурадилов Кубанычбек- Кемин райондук балдар музыкалык мектебиинин директору

«Кыргыз элибиздин, кыргыз жерибиздин ар бир аймагы таланттардын мекени, таланттарга бай десек жаңылышпайбыз. Сокулуктун Жал аймагынан чыккан таланттуларды айта кетсек. Асанкул Шаршенов. Ал киши жөнүндө бүгүнкү кечте көп айтылды. Атактуу, СССРдин эл артисти, залкар ырчы Артык Мырзабаев , КР артисти, драмалык артист Мамбет Асанбаев- ушул элдин кулуну. Кошуна айыл Баш- Кара- Суудан чыккан Карагул Үкүбаев деген чоң залкар комузчу, музыкант болгон. Мына ушундай чоң таланттардын мекени болгон Жал айылынан дагы Райымбекова Канымкүль чыккан. Маданияттын мыкты кызматкери, Чүй областынын эң жогорку сыймыгы болгон «Кеменгер» сыйлыгынын ээси, музыкант, Кыргыз филармониясында жарым кылымга жакын эмгек кылган Райымбекова Канымкүлдүн чыгармачылык кечесине келгенбиз. Кечени Келдибек Ниязов алып барды. Амантай Кутманалиев комузда кол ойнотуп ачып, саламдашып куттуктады. Үч теректин үч кызынын улуусу Анапия Райымбекова жакшы ырларын тартуулады. Биз Канымкүлдүн өмүрдүк жубайы Медеттин классташтары гимназия мектепке илгери келгенбиз. Рүстөмбек агай, Каныш эже иштеп турган мезгилде. Гимназия мектебиңерде өзгөрүүлөр көп экен. Эл ичинде тынчылык болсун. Ынтымак, биримдик » Бир жакадан баш, бир жеңден кол чыгарган» кыргыз эли бололу. Кыргыз элибиздин жаштарынын келечеги кең болсун. Чыгармачылык адамдарга ийгилик каалайбыз.»- деп өз оюн билдирди.

Куттубаева Гүлира- Жал айылынын тургуну.

«Карылар күнүнө карата, карыларды сыйлап ушул майрамды уюштургандарга ырахмат. Бүгүнкү концерт жакшы болду.  Майрам мектепте өткөндүктөн, мугалимдерге, мектептин жетекчисине ден соолук, окуткан балдары ыймандуу болсун демекчимин. Улууларды урматтап майрамга чыкырганыңарга ыраазымын жана ыраазычылык билдирем»- деп айтты

Момункулов Жапар- Жал айылынын тургуну

«Канымкүль Райымбекованын бүгүнкү чыгармачылык кечесинде маданият тармагында 49 жыл талбай иштеп келатканын билдик. Балдарды ооз комузга, комузга үйрөтүп жаткан экен. Бул өз кесибин сүйгөндүктүн белгиси. Айылыбызда таланттар көп чыкса деп ойлойм. Өзгөчө жаштардан мыкты адамдар чыкса, биз кубанып турабыз. Канымкүль өзүнүн айылына келип майрам тартуулаганына, коштоп келегендерге чоң ырахмат. Кече таасирлентти ошондой эле таасирлендик.» деп айтып кетти.

Бейшенов Токтобек Жал айылынын тургуну-

“Бүгүн,  классташым Райымбекова Канымкүлдүн карыларга арнаган концертин көрдүм. Мектепти бүткөнүбүзгө 50- жыл болду. Канымкүль Жал орто мектебин бүткөндөн кийин Куренкеев атындагы музыкалык мектепте  билим алды. Ооз комуз, комузда филармонияда кесибин аркалоодо. Мен кесибим боюнча ТУ- 154 самолёт менен жер кыдырып, ардактуу эс алууга чыктым. Кесибимди кийинки муунга бере албангандыгыма ичим ачышат. Мени менен кошо кеткенине күйөм. Ал эми Канымкүл кудай берген талантын урпакатрага берсем деген ою бар. Жал айылында талантар көп. Асанкул Шаршенов. Мамбет Асанбаев, Артык Мырзабаев, Бектен Абдылдаев. Жал айылында тынчтык болсун Канымкүлгө ырахмат. Ден соолук, ийгилик каалайм.”- деп айтты.

Даярдаган: Таттыгүл Тажаматова, Апакай Жалалбекова

Бүткүл дүйнөлүк тазалык акциясы

21- сентябрь Бүткүл дүйнөлүк тазалык күнүнө карата өткөрүлгөн акцияга Рустамбек Мамыралиев атындагы мектеп- гимназиясынын окуучулары жана мугалимдери активдүү катышты.

Даярдаган: Ууржан Молдокулов

«Билим алып ыйык колунан, даанышман да мугалимден окуган»

Сокулук райондук маданият үйүндө Мамлекеттик тил күнүнүн 30 жылдыгына карата өткөрүлгөн иш-чара. Салтанатту иш-чарага КР Билим берүү министирлигинен, Мамлекеттик тил боюнча комиссиянын өкүлү , областтык усулкана адиси чакырылган.

Молдалиева Максат Сокулук райондук билим берүү бөлүмүнүн жетекчисинин милдетин аткаруучу-

«Улуттук өзгөчөлүктөр- маданий мурас дегендей» бүгүнкү өтүп жаткан Кыргыз Республикасынын Мамлекеттик тил жөнүндөгү мыйзамын ишке ашырууда, окутууда, өнүктүрүүдө районубуздун кыргыз тилчи мугалимдеринин эне тилин билүүгө түрткү берген көрсөткүчтөрүнүн бири. «Улут болсом, тилим менен улутмун» деп айтылуу акын Э.Ибраев ырында жазган. Тил аркылуу дүйнө таанууга, башка улуттардын тилин, маданияттын, салт- санаасын билүүгө болот. Сиздерди дагы бир жолу Мамлекеттик тил мыйзамынын 30жылдык майрамы менен куттуктайм»- деди өзүнүн сөзүндө

Алмаз Сүйүндүков Чүй облустук усулдук билим берүү  бөлүмүнүн адиси-

Бүгункү күнү Сокулук районунун маданият үйүндө Кыргыз мамлекеттик тилинин 30 жылдыгына арналган жакшы маареке болуп өттү. Бул күндө баардык Кыргызстандын эли, ушул кыргыз тилин өнүктүрүүдө өзгөчө мугалимдер жана райондун билим берүү бөлүмү да чон салымын кошууда. Сокулук районунун мугалимдерине тилди өнүктурүдө кошкон салымдары үчүн жетекчиликтин атынан ардак грамоталарды тапшырдык. Бардыгыңыздарды майрам менен куттуктап, төмөнкү ыр саптарды арнап кетейин:

Кырыгыз эли эне сүтүн актайлы,

Колдон келсе, болушунча барктайлы.

Бөтөнчөлөп көп улуттун тилинен,

Бүт дүйнөгө кыргыз тилин даңкталы.” – деп айтты

 

Сезим Каныбековна КРнын президентине караштуу Мамлекттик улуттук тил комисиясынын жетектөөчү адиси-

Мен, бүгүн Сокулук районунда “Мамлекеттик тил” макамын алган улуу күнүнө карата өткөрүлгөн иш- чрага Мамлекттик тил боюнча улуттук комиссиясынын төрагасы Назаркул Ишекеевдин атынан куттуктап келдим . Куттуктоодо Кыргызстандын көз карандысыздыгына карай жолубуз- эне тилибиздин сактап калуу кыймылы менен башталгандыгын, 30жыл мурда бул кыймыл зор коомдук күчкө жетип, кыргыз тилинин Мамлекеттик даражасын мыйзам түрүндө бекитүүгө жетишкендигибиз. Ар бир эл, улут үчүн өз эне тили ыйык жана касиеттүү. Анткени ал эненин сүтү менен келет. Ата- бабалардан, урпактардан кабыл алынган баа жеткис мурас. Азыркы тил кор болууга эмес, колдонууга муктаж. Биз бул тилекке сөзсүз жетебиз. Акыйкатта, Мамлекеттик тил боюнча саясаттын жүгөн- ноктоосу элдин колунда, ошондуктан ата-бабалардын кенч мурасын кийинки муундарга түгөнбөс жана бүтпөс мекенчиликтин башат булагынын көзу соолубасын.Өлкөбүзгө бакубатчылыкты, жергебизге ырыскылуу ынтымакты кааламакчымын деген каалоосун жолдодум»- деп айтып кетти.

Качкынбаева Алина Сокулук районунун билим жана илим профсоюзунун жетекчиси-

Сокулук районунда чоң майрамдык иш- чара өтүп жатат. Бул майрам кыргыз тилин мамлекеттик тил катары алынганын майрамдап отурабыз. Майрамга билим берүү мекемелериннин жетекчилери , кыргыз тилинин мугалимдери катышышты. Мугалим, мектеп жетекчилеринен тышкары дагы ардагер мугалимдер катышып отурашат. Мен бардыгыңыздарды тил мыйзамынын кабыл алынгандыгына 30- жыл толгон майрамы менен куттуктайм. Биз өстүрүп келеткан жаш муунадар кыргыз тилинде сүйлөөнү модага айландырып алышса деген тилектемин. Бул майрам жакшы деңгээлде өттү” деп өз оюн билдирди.

Керез Уметалиева  —

«Биздин бала-бакчада 6- топ бар, 3 топ кыргыз тилинде окуп үйрөтүлөт калган 3 топ орус тилинде окушат. Кыргыз топтордо көбүнчө орус, дунган улутунун балдары окуйт . Биздин балдар өзүбүздүн тилибизди сактап урматташын биз бакчадан баштап үйрөтүшүбүз керек. Кыргыз тилинин майрамы райондук деңгээлде өттү. Бул майрамда биздин бала- бакчанын балдары кыргыздын улуттук бийлерин билешти, ырларын ырдашты.»- деп оюн билдирди

 

Кенжебаева Таалайгул Жаңы- жер орто мектеп комплексинин кыргыз тили жана адабият мугалими-

Болуп өткөн иш- чарага районубуз чоң эмгек жумшап жатат десем жаңылышпайм, себеп кыргыз тилинин майрамынын 30- жылдыгына карата кесиптеш 35-45 жыл эмгек стажы бар ардагер мугалимдерибиз чакырылып алардын каалоо- тилектерин уктук. “Тил болбосо, улут болбойт эмеспи” андыктан мугалимдерге кааларым окуткан окуучулары Кыргыз мамлектине кызмат кылган. Кыргыз эли үчүн жанын аябаган, өзгөчө кыргыз тил жаатында зор салым кошкон инсандардан болушун. Мамлекттик тил күнүнүн 30 жылдыгына карата өткөрүлгөн иш- чарада райондун билим берүү бөлүмүндө иштеген адистерге ыраазычылык. Сейнебүбү Турдумамбетовнанын баштоосу менен астынкы кыргыз тилчи мугалимдер ушул иш- чараны жогорку денгээлде уюштуруп өткөрүштү”- деди ал.

Даярдаган: Динара Жолдошбековна

Жеке ишкердик бала бакча

Орок айыл өкмөтүнүн Жал айылында  Молдошовдордун жеке ишкердигиндеги  бала бакчасы тууралуу  09.09.2019 жылы волонтёрлорубуз жеринен барып маалыматты алып келишти .

Молдошова Майрамкүл тарбиячы-

“Саламаттыкты сактоо министирлигинин уруксааты боюнча бир балага 3,5 кв/м болуш керек. Биздин квадратура болжол менен 140 кв/м, ошондо бала бакчага 30 баланы кабыл алсак болот. Бала бакча ачалы деп жолдошум менен көп жылдан бери ойлоп келгенбиз, ойлогон максатыбыз ишке жетип, Жал айылында жеке бала бакчабыз  ачылышына даярдык көрүп  жатабыз. Биздин максатыбыз  кичинекей баладарга мээримибизди , сүйүүбүздү берип, көңүл буруп тарбиялаш. Мен өзүм кесибим боюнча филолог- педагогмун. Орус тил сабагынан мугалимин. 30 жыл эмгек стажымдын 15 жылы бала- бакчада эмгектендим. Бөбөктөрдү тарбиялоодо россиялык педагог Александр Зайцевдин жана Мария Монтессоринин ыкмаларын пайдаланып кыргыз тилинде » 1 үндү, 1 үнсүз тыбыштан» түзүлгөн ыкмага байланыштырып  иш алып баралы деген ойдомун. ”-деп оюн билдирип кетти.

Каныбек Молдошов Жал айылынын тургуну  —

“ Бала бакчаны ачууда үй- бүлөлүк ишибизди  ачканга жубайым Майрам экөөбүздүн көптөн бери алдыбызга максат койгон оюбуз эле. Үйүбүздү пландаштырып тургузууда  чоң көйгөй- бул  каражат маселеси болду. Себеби бала бакчага окшоштуруш үчүн атайын бөлмөлөрдү  жасалгалап даярдадым. Сиздер көрүп турган дубалдагы сүрөттөрдү  өз колум менен бөбөктөргө ылайыкташтырып тарттым. Бакчанын ачылганы айылдагы балалуу үй- бүлөлөргө жардам болот деп ойлойм, анткени бакчага балдарын берип өздөрү жумуш менен алектене алышат. Болжол менен бала бакчага ылайыташтырууда оңдоп  түзөө иштерине   100000 сомдон ашык каражат кетти”- деди ал.

Назгүл Чертикеева ата- эне —

“ Биздин Жал айылына көчүп келип Каныбек байке менен Майрам эжеге кошуна болуп жашаганыбызга беш жыл болду. Майрам эже биз көчүп келгенибизден бери эле бала бака ачсам деп айтып жүргөн. Эженин оюн угуп  аябай чоң жана керектүү иш баштап жатканын  түшүнүү менен колубуздан келген жардамыбызды бердик. ”- деп өз оюн айтты.

Венера Капышевна жеке ишкер –

» Жеке бала бакчалардын айыл жергесинде ачылышы азыркы учурда  өтө актуалдуу жана  пайдалуу, себеби өкмөттүн бала бакчалары айыл жергелирде көп эмес. Болсо да наристелердин бардыгын кабыл алууга мүмкүнчүлүктөрү  жок, анткени балдардын саны көп ошондуктан кээ бир учурда  жеке бала бакчалар айыл жергелеринде ачылышы ата- энелерге көп жактан жардамын берет. Жеке бакчаларга өз каалоолору менен  балдарын тарбиялоого берген да ата- энелер бар.”- дей айтты.

 

Дардагындар: Акбермет Алымкулова, Адилина Жанболот кызы

 

 

Айылыбыздын мектебинде оңдоо иштери жүрүп жатат

Сокулук районунун Рустамбек Мамыралиев атындагы мектеп-гимназиясына Орок айыл өкмөтүнөн оңдоо иштерине 200000сом акча каражат бөлүнгөн.

Даярдаган: Динара Султаналиева

Орок айыл өкмөтү тууралуу билесизби?

Даярдаган: Динара Султаналиева

Правильное питье воды — залог здоровья

Подготовили: Акбермет Алымкулова, Адилина Жанболотова

 

Жайкы эс алуу

Мамыралиев мектеп- гимназиясында окуучулардын жайкы лагери ишин аяктады.

Жумалиева Разима Р. Мамыралиев атындагы мектеп — гимназиясынын мугалими-

«Биздин мектепте 3-июндан тартып бүгүнкү күнгө чейин мектепте  жайкы лагерь уюшулган.  Жалпысынан балдардын саны 35 бала болду.  Окуучуларды 2- группага бөлдүк. Бул лагерде балдар менен ырдап, бийлеп кагаздан ар кандай фигураларды жазап мультфильм көрүп убактыбызды текке кетирбей өткөрдүк. Ошондой эле » Келгиле окуйлу» долбоорунун алкагында кызыктуу китептерди да окудук. АЙылдык ден-соолук комитетинин жетекчилери Нурбаева Жанылкан, Стутко Галина Петровна тарбынан жайкы лагердин балдарына майрам уюштурулуп белектер жана бал муздак таратылды.  Ошондой эле балдарды Сокулук айылындагы Дүйшөнкул Шопоковдун музейинине алып бардык. Жайкы лагерде башталгыч класстын мугалими Жибек Кунесовна экөөбүз  иш алып бардык.» деп өз оюн билдирди.

Окуучулар музейде экскурсия маалында.

Даярдаган: Турдакун Камчыбеков

Достук оюну

Орок айыл өкмөтүндөгү жаштарды биримдике чакыруу боюнча футбол турнири өткөрүлдү.

«Чүй Ордо» коомунун өкүлү Калыков  Нурбек:

“ Акыркы окуяларга байланыштуу «Чүй Ордо» коому ынтымакка чакырган турнир өткөзүп жатат. Бугун биз түрк бир туугандарыбызды бири-бирибизден кечирим суроо учун чакырдык. Жаш балдарыбыз менен түшүндүрүү иштерин жүргүздүк. Өз каталарын түшүнүштү деп ойлойм. Бугунку оюнга Орок айыл өкмөтүнүн Жал, Сарбан, Кашка- Баш, Орок, Селекция айылдарынан командалар келип футбол ойноп жатышат. Биз командаларды топ жана форма менен камсыздап бердик. Үч орунга байге коюлду. Биринчи орунга 15000 сом, экинчиге 10000 сом, үчүнчүгө 5000 сом.  Андан тышкары биздин милиция кызматкерлерине да ыраазычылык катары бир кой алып келдик.  Бүгүн оюн жакшы өтүп жатат. Биз жаштардын арасында ынтымак, тынчтык жаратуу өлкөбүз үчүн эң маанилү иштердин бири экенин айттык. Бүгүнкү уюштурган ынтыкмакка чакыруу турнирибиз өз максатына жетти деп ойлойм.” – деп өз оюн айтып кетти.

Орок айыл өкмөтүнүн башчысы Чоодуев Уран:

“ Бугунку оюндун максаты түрк бир туугандарыбыз менен ынтымакка келуу. «Чүй Ордо» коомунун өкүлү келип, баарыбыз биргеликте футбол боюнча турнир өткөрүп жатабыз.  Орок айыл өкмөтүнүн ичинен алты команда чыкты. Ортого байге коюлду. Оюн буюруса жакшы маанайда өтүп жатат. Эн негизгиси жаштарыбыз ынтымакка келишти. Биз учун кубанычтуу нерсе ошол. Элибизде тынчтык болсун.” – деп айтып кетти.

Өмүрбек уулу Бекжан окуучусу:

“ Бугун биздин айылда футбол боюнча турнир өттү. Биздин команда мектептин аттынан чыгып ойноду.  Оюнга орок айыл өкмөтүнөн 6 футбол командалары келип достук мелдеште ойношту.  Оюн жакшы өттү. Ушундай турнирлердин өтүп турушуна биз жаштар тилектешпиз.” – деди.

Даярдаган: Адилина Жанболотова